Saturday, 12 April 2008

  • 東坪洲之行

    清明節假既第二日,又因為支新鏡頭又走去影相喇,今次去東坪洲,其實早幾年我地去過喇,不過我叔仔未去所以決定再去一次,晨早6點起身,食過早餐後就去到馬料水搭船出發,去0個時天色麻麻,好似想落雨咁,希望去到之後會好天d啦,1個鐘頭8個字既船話咁快就到左喇!!

    即刻就開始我地既行山旅程,岩岩行0個時亞細佬已經好開心咁周圍影,由其見到d石頭,因為呢個島上面大部份都被海水衝擊而成既"千層石",我個人覺得好靚,好特別!!我地同佢講行啦,到到都係架,有排影呀你,之後行過一間"士多",見到有隻狗喎,初初都驚驚地架,因為我地咁生面口,怕佢會發惡,點知亞狗不但無發惡,仲原路帶住我地行山tim,行左大概9個字,就到左第一站"斬頸洲",天公做美好天起黎喇,0個到好靚,佢地即刻係咁影係咁影,亞狗好有性坐係到等我地影相,跟住細路叫我坐係舊石上面影,點知突然亞狗走黎我面前,攝左我個位喎,哈哈!!好搞笑0個張相影得好得意,好自然架!!之後繼續行去左"龍落水","海螺洞",天氣真係好好仲開始好曬tim,行左大概3個鐘,去到有個路牌一面寫字"碼頭",另一面寫住"更樓石",亞狗企左係"碼頭"牌下面望住我地,咁我地想行晒先番"碼頭"0個邊食野,最後我地向"更樓石"方向行,亞狗就無再同我地一齊行咯!!可能陪左我地太耐喇,佢都肚仔餓所以走左喇!!我地行完"更樓石"之後,就番出去食野咯,0個時已經行到又曬又攰喇,最後係海灘再係咁影,5點15分到就上船走人喇!!

    睇下d相真係好靚,一d都唔似香港,個海灘唔知以為去左泰國"布吉"tim呀,其實我覺得真係直得一去架,因為0個到真係好靚,d水又清,環境又舒服!!

  • Choose Identity

  • Give eProps (?)

  • New! You can now edit your comments for 15 minutes after submitting.

About this Entry

Who recommended?